Gakinoeba

Georgians singing the anthem of Ukraine on Tbilisi's central Freedom Square. #StandWithUkraine

Only resolutions...

ახლა, როდესაც ყველა საუბრობს დისტანციის გაზრდაზე და დაშორებაზე, ჩვენ გვინდა გესაუბროთ დისტანციის შემცირებაზე და დაახლოებაზე ... ოღონდ დისტანციის შემცირებაზე თქვენს შვილებსა და ქართულ ლიტერატურას შორის! :) ასევე თქვენსა და ქართულ ლიტერატურას შორის! საამისოდ გთავაზობთ სერიოზულ სათამაშოს!
ყურადღება! სიახლე! პირველად ქართული ლიტერატურის ისტორიაში - ფლიპ-ბუქები ქართულ ლიტერატურაზე!
ცელულოიდის ენების მიერ გამოცემული უნიკალური ფლიპ-ბუქების სერია ქართულ ლიტერატურაზე არ არის მხოლოდ სკოლის მოსწავლეებითვის! ეს ფლიპ-ბუქები ყველასთვისაა, ვისაც ქართული ლიტერატურა უყვარს, სჭირდება, აინტერესებს! და გამოდგება სასწავლად, საჩუქრად, გასართობად!
ჩვენს ფლიპ-ბუქებს ცერულები დავარქვით, რადგან ამ მინი-წიგნების მინი ფურცლებზე სწორედ ცერა თითის ჩამოსმით სულ ერთ წამში გაირბენს თქვენ თვალწინ მინი-ფილმი, შექმნილი კონკრეტული ქართული ნაწარმოების მიხედვით!
მაშ, თქვენ წინაშეა ცერულების სერიის პირველი ოთხეული:
1. შუშანიკი - ანუ დედოფლის გვირგვინიდან ეკლის გვირგვინამდე
2. აბო - ანუ ტარიგი ღვთისა, რამეთუ ჩუენთვის დაიკლა
3. გრიგოლი - ანუ უდაბნოთა ქალაქმყოფელი, ზეცისა კაცი და ქუეყანისა ანგელოზი
4. სულხან-საბა - ანუ სულხანის და საბას ცხოვრების სიბრძნე-სიცრუისა

განმარტება: ცელულოიდის ენების ცერულები დამოუკიდებელი პროდუქტი არ გეგონოთ! ეს ცერულები მხიარული დანამატია ცელულოიდის ენების ქართული ლიტერატურის კურსისა „გაკინოება“ („გაკინოება“ არის ქართული ლიტერატურის სწავლების ორიგინალური კურსი 13-17 წლის ყმაწვილებისთვის, მას აქვს ორიგინალური მეთოდიკა და ორიგინალური სახელმძღვანელოები. „გაკინოების“ არსი ცერულებში არ მგდომარეობს, ცერულები მხოლოდ დანამატია. მეტი ინფოსთვის იხილეთ ჩვენი კურსის წარდგენა: https://www.facebook.com/104749841390664/videos/1467177110338979).
თითოეულ ნაწარმოებზე გაკინოების მეთოდით მუშაობის შემდეგ, ეს კონკრეტული ნაწარმოები საბოლოოდ იქცევა ფლიპ-ბუქად ანუ ცერულად და ამ მინი-წიგნის მინი ფურცლებზე ცერა თითის ჩამოსმით სულ ერთ წამში გაირბენს მოზარდის თვალწინ ნაწარმოების ძირითადი იდეა. ცერული არის ერთგვარი მინი-კინო, რომლის საშუალებითაც მოზარდი - დამოუკიდებლად თუ მეგობრებთან ერთად - კვლავ და კვლავ და უსწრაფერსად გაიაზრებს ნაწარმოების მთავარ სათქმელს მსუბუქად, ორიგინალურად, მიმზიდველად, თამაშით. ცერულის წყალობით, ყმაწვილი კიდევ უფრო შეთამაშებულია ლიტერატურასთან და კიდევ ერთი მიზეზი აქვს, გახდეს ლიტერატურის ნამდვილი მეგობარი, რაც ბევრ სხვა სიკეთესთან ერთად ასევე არის „გაკინოების“ კურსის კიდევ ერთი მონაპოვარი.

მეგობრებო, ბევრი გვეკითხება, როდის დაიწყება/განახლდება გაკინოების კურსი, რომელსაც პანდემიის გამო უიღბლო სტარტი არგუნა ბედმა :(
დიდი იმედი გვაქვს, რომ სექტემბრიდან შევძლებთ გააქტიურებას, თუმცა დაგეგმვა რთულია - ისევ და ისევ ვირუსის გამო.
დაინტერესებულებმა ჩვეულებრივად მოგვწერეთ პირადში. ჩვენ თავად დაგიკავშირდებით